Всегда што дѣлают в ветшаном платье, а какъ пред государемъ и при людех — въ чистомъ.

Всякую скорбь и тесноту з благодарениемъ терпи.

В цѣрькви ни с кѣмъ не бѣседовати, с молчаниемъ и послуша стояти, никуда не обзираяся, ни на стену не прикланятися.

Держися, чадо, добрыхъ людей.

До отпѣния из церкви не исходити, а приити к началу.

Егда кто честнѣе тебѣ будетъ званныхъ, не начни вкушати преже.

Жена добра и страдолюбива и молчалива венецъ есть мужеви своему.

К церквамъ Божиимъ всегда с вѣрою приходити, с приношениемъ.

Милостыню по силѣ всяких потребных подавай.

Наказуй дѣти во юности.

Не ослабляи, бия младенца; аще бо жезломъ биеши его, не умретъ, но  здравие будетъ, ты бо бия его по телу, а  душу его избавляеши от  смерти.

Не чавкати.

Перед нижнимъ крыльцомъ сѣна положить грязные ноги отирать.

Платья и рубашки, и убрусы на себе носи бережно.

Плетью с наказаниемъ бережно бити.

Поклонны главы мечь не сечет.

Славы земныя ни в чемъ не желай.

Старейшимъ себѣ честь воздавай и  поклонение твори, среднихъ яко братию почитай, маломожных и скорбных любовию привечай, юнейших яко чада люби — всякому созданию Божию не лихъ буди.